O alemán Balkenhol abre no CGAC unha nova temporada expositiva

Santiago.- Un total de 74 esculturas e relieves, 100 fotografías e 90 debuxos compoñen as 264 pezas do escultor Stephan Balkenhol coas que o Centro Galego de Arte Contemporánea abre unha nova temporada expositiva. A mostra retrospectiva, que combina o pasado e o presente do autor, permanecerá en Santigao ata o vindeiro 15 de abril.





De feito, a exposición adéntrase nos traballos figurativos de Balkenhol. Unha produccción que oscila entre parellas de opostos: entre o pasado, con influencias da arte clásica, medieval ou renacentista; e o presente na vestimenta das súa figuras; entre o orgánico e o estático, o individualismo de cada figura e o estandarizado nas diferentes representacións.