O BNG pide a demisión da conselleira de Familia polo caso Bemposta

Ourense.- O BNG solicitou o cese da conselleira de Familia, Manuela López Besteiro, por considerala responsable dunha actuación neglixente á propiciar accións xudiciais contra Bemposta, que orixinaron a campaña de "déscrédito e difamación" contra a Cidade dos Muchachos.

No dictame alternativo que presentarán na comisión de investigación sobre Bemposta no Parlamento galego, presentado hoxe en Ourense, os nacionalistas consideran que López Besteiro é a responsable política dunha actuación "parcial, indiscreta e profundamente imprudente".

Ademáis, o BNG pide que se reprobe ó conselleiro de Xustiza, Antonio Pillado, como responsable directo da actuación policial "parcial e imprudente" que se realizou para tratar de ocupa-los terreos de Bemposta.

Os nacionalistas tamén piden que se traslade toda a documentación ó Fiscal Anticorrupción e que se reprobe públicamente a Marisa de Martínez, que denunciou malos tratos en Bemposta, polas súas acusacións e maniobras que "difamaron e denigraron" á Cidade dos Muchachos.