PINTURA: O Pazo de Bendaña de Santiago acolle unha mostra sobre Eugenio Granell

Santiago.- A Fundación Eugenio Granell abre hoxe no Pazo de Bendaña unha nova mostra con 56 obras de pequeno formato do coñecido artista galego. Trátase de debuxos e collages, en branco e negro e en cor, con distintas técnicas, realizados entre as décadas dos 40 e os 70.

O papel é o único soporte en tódalas pezas desta mostra. Unha das salas expositivas está adicada a retratos, algúns dos cales foron confeccionados únicamente con recortes de papel, destaca a Fundación Granell. Asemade, esta mostra compleméntase con dous óleos e dúas pequenas esculturas de Eugenio Granell, que configuran un entorno homoxéneo e coherente, que proporciona unha visión ampla e axeitada da obra deste recoñecido surrealista galego.