Medio Ambiente nega ter constancia de prácticas abusivas na limpeza do fuel

XORNAL I Santiago .- Ante a presentación, por parte do grupo socialista, de fotografías tomadas en 2003 mentres se realizaban os labores de limpeza, o director xeral manifestou onte que, aínda que nesas imaxes "podería parecer que si houbo prácticas abusivas" sería preciso recabar máis información sobre o tema antes de emitir un dictame. Segundo afirmou onte no Parlamento o director xeral de Conservación da Natureza, Javier Ruíz de Almirón Schlung o traballos foron realizados no ano 2003 pola Dirección General de Costas, dependente do Ministerio de Medio Ambiente, polo que o seu departamento non desenvolveu ningún estudo sobre os mesmos.

Polo tanto, explican dende o Goberno autonómico, as valoracións por parte do director xeral referíronse en todo caso ás probas presentadas polo PSOE, e non poden considerarse extensibles ao labor de limpeza desenvolvido naquel momento.