`Muros de silencio´ analiza o caso Reganosa

XORNAL I A Coruña.- O libro `Muros de silencio. Corrupción e ameaza na ría de Ferrol. O caso Reganosa`, será presentado mañá ás 20:30 na sede da Asociación Cultural Alexandre Bóveda.

O libro, editado pola Asociación Fuco Buxán, será presentado polos autores do libro, Rafael Pillado y Manuel Rodríguez Carballeira, e varios directivos da editorial.

FucoBuxán edita este libro "nun esforzo por contribuír á tarefa do Comité Cidadán de Emerxencia para a Ría de Ferrol".

Dente a editorial sinálase que "esta Ría e quen aquí vivimos, estamos ameazados pola pretensión de poñer en funcionamento a Planta de Gas de Reganosa no interior da ría, en lugar do Porto Exterior de Caneliñas, como en tantas ocasións levamos dito.¡Unha situación de emerxencia!. Facerlle fronte, esixe un esforzo de responsabilidade de toda a ciudadanía e dos cargos políticos e institucións, e debe ser motivo de debate nas vindeiras eleccións municipais".

Fuco Buxán pretende que o libro contribúa tamén a
clarexar o posicionamento dos futuros responsables municipais de Ferrolterra.