A web satírica Aduaneiros sem Fronteiras pecha por falar de Yolanda Castaño

XORNAL I Santiago.- Unha da páximas que espertaba más simpatías entre os internautas galegos pola súa ironía e humor, Aduaneiros sem Fronteiras, vese obrigada a pechar tras ser amenazada xudicialmente polo avogado de Yolanda Castaño, despóis de publicar un gráfico satírico sobre a poetisa que tivo comentarios críticos.

Esta é, alomenos, a versión que dan os responsables da páxina web nun comunicado que di, textualmente:

Sendo requiridos por Dom Pablo Carvajal de la Torre, representante legal de Dona Yolanda Castaño Pereira, a retirar do nosso site o desenho gráfico “Tu Quoque Iolanda?” e os comentários a ele adjuntos, sob ameaça de demanda judicial por delitos de injúrias com publicidade, e nom querendo ferir a delicada sensibilidade da nossa insigne poetisa, Aduaneiros sem Fronteiras, questionando-nos até que ponto tem sentido continuar a fazer humor gráfico neste país e a desenvolver umha autocrítica da razom galega, vimos de decidir fechar o nosso site por enquanto o nosso legítimo direito à liberdade de expressom nom se veja a salvo de coacçons judiciárias fora de lugar.

O gráfico consistía nunha animación cunha imaxe de Yolanda Castaño, que aparecía vestida cunha túnica e cun coitelo ensanguentado na man, á que se lle podía mudar a vestimenta ao xeito que se facía coas vellas "mariquitas", e pretendía ser unha crítica á poetisa por ter aceptado o posto que antes desempeñaba o intelecutal galeguista Isaac Díaz Pardo, e que nalgúns círculos foi considerado como unha traizón.