O Comité Cidadán manifestarase o domingo ante a chegada dun gaseiro a Reganosa

XORNAL.COM I Ferrol.- O Comité Cidadán de Emerxencia para a Ría de Ferrol protagonizará unha nova manifestación maña domingo ás 20:00 horas diante do edificio da Xunta na cidade para protestar pola chegada dun novo gaseiro á planta de Reganosa.

O buque LNG Norman Lady, o número 27 en entrar á planta dende o seu funcionamento, ten unha antigüidade de 25 anos. Segundo recordan os convocantes “este vello buque xa tivo un accidente importante, ao chocar o 13 de Novembro do 2002 co submarino nuclear norteamericano Oklahoma City no Estreito de Gibraltar”.

O gaseiro, de bandeira noruega, ten unha eslora de 249,5 metros e unha capacidade de 87.600 metros cúbicos.