Paco Rodríguez aposta por considerar o galego e o portugués o mesmo idioma

XORNAL.COM I A Coruña.- O debate sobre a converxencia do galego e o portugués está aberto en Galicia, máis na era de Internet.

"Necesitamos que o mundo administrativo, académico, social, económico e institucional avancen na práctica na dirección de asumir, con todas as cautelas e matices que se queiran, que o galego e o portugués son o mesmo idioma", propón o dirixente do BNG Paco Rodríguez nun artigo que publica en Xornal.com.

"É conveniente -observa este profesor- a maior aproximación da normativa oficial á do portugués. Esta aproximación esixe compromisos, conivencias e recoñecemento por parte dos países lusófonos, a comezar por Portugal. Tanto como de información e comprensión por parte da sociedade galega".

Para Paco Rodríguez, secretario de Formación da Executiva do BNG, "os obxectivos estratéxicos deben ser claros; as tácticas deben calibrarse, con debates serenos e propostas eficaces para avanzar...".

Ler o artigo completo