Galicia expresa a súa repulsa ante o último atentado de ETA

XORNAL.COM I Pontevedra.- Galicia expresou hoxe a súa repulsa ante o último atentado da banda terrorista ETA que acabou coa vida do empresario Ignacio Uría Mendizabal.

Milleiros de personas concentrárnose nas principias cidades galegas para expresar a súa condea. O vicepresidente da Xunta, Anxo Quintana, participou esta mañá nunha concentración diante da Subdelegación do Goberno en Pontevedra. Alí expresou a súa rotunda condea do atentado “da última vítima deste terrorismo salvaxe, sen sentido e sen razón que o único que consigue é encher de rabia o corazón de tanta xente”, sinalou.

O vicepresidente dixo que tódalas vidas que se cobra ETA son importantes para a sociedade pero salientou que “teña escollido neste momento para a súa actividade asasina a unha persoa cuio valor na vida foi traballar para xerar emprego e riqueza, precisamente agora que padecemos unha situación de crise económica”. E engadiu que “ao instinto asasino de ETA o mellor branco que se lle ocorre son persoas que traballan tódolos días e aportan esforzo para xerar riqueza e emprego”.

Recalcou Quintana que “só cabe unha actidue ante isto que é a condea máis rotunda e explícita pero tamén o traballo necesario de unidade e de esforzo colectivo para superar esta lacra”. “Creo que ese é o único camiño que podemos adoptar e o que espero que tódalas forzas políticas adopten como noutras ocasións temos feito, non caben interpretacións políticas e menos réditos políticos ante as actuacións de ETA, o único que cabe é unidade democrática, tenacidade, tesón e paciencia para acabar con esta lacra e que acabe vencendo a democracia porque estou seguro que así vai ser”, insistíu.

O presidente do PPdeG, Alberto Núñez Feijóo, reiterou hoxe en Ourense a súa condena pola acción terrorista e recordou que “ETA sempre se presenta asesina”.

Feijóo insistou en que o asesinato “é o obxectivo da organización terrorista ETA” porque “ETA nunca minte, lamentablemente; ETA é unha banda terrorista e as bandas terroristas asesinan a persoas inocentes. Polo tanto, ou coas armas do Estado de dereito imos acabando con ETA ou ETA seguirá asesinando”.