Feijóo acepta a proposta de Antena 3 pra un "cara a cara" con Touriño

XORNAL.COM I A Coruña.- Os populares galegos deron resposta á carta da Directora dos Servizos Informativos de Antena 3, Gloria Lomana, que invita ao presidente dos populares galegos a un cara a cara con Touriño, con motivo da celebración das eleccións ao Parlamento de Galicia.

A proposta realizada pola cadena privada de televisión axústase ao compromiso anunciado polo presidente do Partido Popular nuna entrevista realizada o pasado luns na Televisión de Galicia. Nesta ocasión, Feijóo asegurou que "xa hai candidatos para presidir o próximo goberno de Galicia e creo que sería bo contrastar proxectos e liderados diante dos cidadáns; e a televisión, a radio, internet son medios que chegan a todos”.

Cara a cara entre "as dúas persoas con posibilidades reais"

Na entrevista mantida na Televisión de Galicia, Feijóo afirmou “eu sempre asistín a todos os debates que se me propuxeron e eu creo que non deberíamos privar aos galegos a posibilidade dun cara a cara entre as dúas persoas que temos posibilidades reais de presidir o próximo goberno".