Touriño insiste en que os emigrantes xa “acreditan” a súa identidade para poder

XORNAL.COM I Santiago.- No transcurso dun almorzo informativo organizado por Europa Press, Emilio Pérez Touriño obviou o feito de que os emigrantes reciben de oficio a documentación electoral e, na práctica, a súa participación nos comicios se pode producir sen sequera ter que saír da casa para afondar no argumento de que a esixencia do DNI ou o Pasaporte é un “nuevo requisito” que a Xunta Electoral Central (XEC) esixe “en pleno proceso” das eleccións galegas.

Con todo, o xefe do Executivo galego asegurou non “cuestionar” a decisión do máximo órgano en materia electoral e apostou por abordar as refomas legais do voto exterior dende unha “responsabilidade compartida” de todos os partidos .

Neste sentido, o líder do PSOE galego puxo sobre a mesa en Madrid a proposta xa bosquexada polo vicesecretario xeral dos socialistas, José Blanco, e que pasa pola creación dunha circunscrición electoral propia para os emigrantes, de tal xeito que a diáspora elixa os seus propios representantes no Parlamento.

Do mesmo xeito, Touriño recoñece a necesidade de estipular “en qué elecciones han de votar y en cuáles no”. Neste sentido, o candidato socialista avoga por limitar a participación dos denominados “residentes ausentes” nas eleccións municipais, xa que “marcarían el contenido de una decisión” e iso “no tendría sentido”.

Con todo, o líder dos socialistas galegos insistiu na necesidade de que “todos” sexan “rigurosos” á hora de avaliar o sufraxio exterior xa que, explica, “los emigrantes tienen derecho a votar de acuerdo a la ley y creo que en democracia nuestra primera obligación es hacer que los derechos se respeten y se puedan ejercitar”. Así, di, non se debe “restringir derechos” neste eido.