A Academia do Cine premia a Jesús García

O historiador Jesús García de Dueñas recibiu hoxe o Premio Muñoz Suay, que lle concedeu a Academia de Cine pola súa obra Cine español. Una crónica visual, “un extraordinario traballo”, que fai “un eloxio dun cine duramente criticado que, a pesar de todo, goza de boa saúde”, como detallou Enrique Urbizu.
O catálogo da exposición do mesmo nome, que logo do seu paso por Madrid itinera por todo o mundo, é “unha homenaxe aos creadores”, como García de Dueñas recoñeceu. “Está feito cunha entrega absoluta e apaixonada ao cine español”, afirmou García de Dueñas, quen recordou que traballou nesta obra de encarga con “total liberdade” e fixo “o que quería”.
Na entrega do Muñoz Suay estiveron presentes multitude de personalidades do mundo da cultura. Ademais do presidente da Academia de Cine, Eduardo Campoy, acudiron ao acto o director xeral do ICAA, Ignasi Guardans; a directora do Instituto Cervantes, Carmen Caffarel; ou a presidenta da SECC, Soledad López; así como diversos compañeiros da sétima arte.