A CIG asegura que a Xunta “censura” a opinión dos profesores

A CIG-Ensino criticou onte que a Consellería de Educación “censure” a opinión dos profesores sobre a consulta do uso do idioma nos centros escolares, tras o que asegurou que non se deixarán intimidar” e “actuarán segundo o seu criterio”.

Nesta liña, o sindicato emitiu un comunicado de prensa no que denuncia que a prohibición de situarse imposta polo departamento autonómico sobre os docentes “vulnera dereitos fundamentais como o da liberdade de expresión e de cátedra”.

Segundo asegurou, o obxectivo da Xunta é converter aos centros en “unha canle de pensamento único”, no que viu un “adoctrinamiento parcial e sesgado”. “Rexeitamos esta enquisa”, recalcou, que ao seu parecer busca “xustificar a involución na normalización lingüística”.

Ademais, reclamou que o Executivo galego “exima” aos profesores de “responsabilizarse dun traballo alleo aos seus labores”, xa que, a día de hoxe, esíxeselles “a recollida de datos” e “a custodia dos documentos”, incidiu.

Para terminar, a central nacionalista insistiu no seu rexeitamento ao cuestionario, que cualificou de “chapuza xurídica” e “pregunta tendenciosa”. “Para diminuír a presenza do noso idioma no ensino non hai crise”, concluíu.