Gloria Lago

O PPdeG rexistrou unha iniciativa parlamentaria na que insta á Cámara autonómica a “rexeitar e condenar” os “ataques á liberdade de expresión” e a “solidarizarse” coa presidenta de Galicia Bilingüe, Gloria Lago, ante os “insultos e ataques” que recibiu a pasada semana. A través dunha proposición non de lei, os populares resaltan a “extrema gravidade” das pintadas con “ameazas e insultos” contra Lago rexistradas preto do seu domicilio e no seu vehículo, ao que, ademais, se causaron “danos”. A estes feitos, o PP sumou a aparición dun xogo en Internet no que “se incita a disparar” a presidenta de Galicia Bilingüe, plataforma en contra da Normalización Lingüística.

Así, o voceiro parlamentario do PPdeG, Manuel Ruiz Rivas, defendeu onte o “bilingüismo cordial” e cualificou de “lamentable” o grao de “crispación” que, ao seu entender, alcanzouse con respecto “á liberdade de uso de calquera dos idiomas oficiais en Galicia”.

“É gravísimo que se insulte persoas por defender unhas determinadas crenzas ou ideas”, reflexionou o dirixente popular e incidiu en que as “ameazas e insultos” proferidos contra Lago son prácticas “totalmente contrarias ao civismo".