Unha retransmisión histórica en Youtube

BONAVAL

Primeiras imaxes da explanada de Bonaval, cunha unha forte presenza policial e moita xente. Tareixa Navaza le; “Castelao é definitivamente un revolucionario”. Nese intre sobe o volume de ambiente e se escoita. “Galiza ceibe, poder popular”.

CARGA
“Chega parte da comitiva.. e os enfontamentos...non precisan palabras”, di Tareixa Navaza mentres a policía carga contra os manifestantes contrarios ao traslado dos restos, nalgúns casos con certa saña innecesaria.

NOVONEYRA
A narradora do acto para Televisión Española en Galicia reproduce unhas palabras do poeta Uxío Novoneyra, na altura presidente da AELG. “A Castelao non lle cambiaron a patria, como a outros galegos. Os seus restos só veñen para os que queren unha Galiza ceibe”.

CHEGADA
Co cadaleito de Castelao xa á vista, a policía volve cargar contra os manifestantes con especial dureza. Os que poden esquivan ás forzas de seguridade, xa instaladas na fotografía, reciben os restos con, de novo, berros de “Galiza ceibe, poder popular”,

APLAUSOS
Castelao camiño de Bonaval. Enriba do cadaleito, a bandeira galega co escudo creado polo propio rianxeiro; aos lados e detrás, policía e un sacerdote. Navaza afirma que “agora todo son xa aplausos, porque Castelao é a esencia mesma do noso país, da nosa nación”.