Distribución

Para Xosé Zapata, responsable da produtora IB Cinema e do ciclo ‘Noite de Cine’, a prohibición é froito de que “os lexisladores están despistados e non entenden que está a cambiar o réxime de explotación do cine”. Pregúntase que sentido ten esta lei perante un filme como Home, un documental de Yann Artus Bertrand sobre a ecoloxía da terra que foi distribuído simultaneamente nos cines, en Youtube e nos centros comerciais da FNAC, nun DVD de 8,95 euros. “Que sentido ten prohibir que o proxectemos nós?”, pregunta Zapata, que ve nesta medida legal un intento de “poñerlle portas ao campo”.