A estratexia de cada universidade

Cada unha das universidades opta por unha estratexia diferente para avanzar na galeguización da docencia. Se a USC opta por “contratos-programas” voluntarios cos departamentos que queiran aumentar a súa docencia en galego, a UdC determina un mínimo dun terzo das materias troncais e obrigatorias na nosa lingua en cada departamento e a Uvigo está a desenvolver a experiencia piloto dun programa de plurilingüísmo que busca dar un terzo das materias en galego, outro en castelán e outro en inglés. Henrique Costas considera esta opción “a mellor para os alumnos”, pero “a xente non chega ben capacitada nin en inglés, nin en galego nin en castelán, a pesar do que se poida pensar” logo do seu paso polo ensino medio.