A carga económica de separar, o gran obstáculo do PP

A posibilidade de implantar unha segregación lixeira e limitada aos dous primeiros ciclos educativos conta cun importante problema de cara a que a Xunta a plasme por escrito no novo decreto: o seu alto custe económico. A separación por lingua nas aulas obrigaría a duplicar recursos en moitos centros por mor dunha necesidade que non semella clara, o que chocaría frontalmente co primeiro mandamento –de intención máis publicitaria que real segundo PSOE e BNG– do novo Goberno: a austeridade.

Ademais, a posibilidade dun ensino dividido por razóns de idioma tamén podería supoñer un alto custe político para o PP. Incluso moitos sectores dos populares amosarían a súa contrariedade por esta decisión, especialmente en zonas rurales ou entre os sectores galeguistas que sobreviven da época de Fraga. Por suposto, para a oposición, xa de por si alerta e enfadada polo que considera unha agresión sen precedentes ao maior símbolo de Galicia, esta medida sería motivo de confrontación aberta tanto no Parlamento como na rúa, onde xa se xuntaron 40.000 persoas o pasado 17-M para protestar pola política lingüística de Feijóo. Só organizacións como Galicia Bilingüe apoiarían a medida, pero con matices vista a súa voracidade.