Colisión múltiple e corte de tráfico na AP-9 por mor dun incendio

O fume dun incendio na mediana da autoestrada AP-9 provocou esta tarde unha colisión múltiple entre oito vehículos nesta vía ao seu paso polo municipio coruñés de Abegondo e obrigou a cortar o tráfico en ambos os dous sentidos durante dúas horas. O accidente, onde se viron implicados seis turismos, un autobús e un camión de bombeiros, produciuse sobre as 16.20 horas no quilómetro 20 da AP-9, en dirección Vigo, a causa do forte fume que había na zona e da escasa visibilidade.

Ao lugar do suceso desprazouse unha dotación de Bombeiros de Betanzos para sufocar o lume así como efectivos da Garda Civil de Tráfico e Protección Civil, que procederon a cortar a vía en ambos os dous sentidos, xa que non presentaba suficiente visibilidade como para permitir a circulación. Ás 18.15 horas o tráfico quedou completamente restablecido.

Así mesmo, o 061 enviou un ambulancia medicalizada para evacuar unha nena de dous anos, que resultou ferida grave, así como senllas ambulancias para asistir á nai da pequena e dúas persoas máis, feridas leves, según informa Ep.