Gas Natural mantén as dúbidas sobre a continuidade de Sabón e o nome de fenosa

1- ciclo combinado de Sabón poderíase manter. O presidente de Gas Natural asegurou que non hai nada pechado agora mesmo sobre o tema. Gabarró explicou que o seu obxectivo é “preservar ao máximo os investimentos en Galicia e que igual son todos”. Pese a que non está nada pechado ao respecto, Sabón podería entrar no apartado de desinversións imprescindibles que esixe Competencia como consecuencia da fusión.

 2- grupo gasístico pretende manter e incrementar a produción eléctrica en Galicia. En verbas do presidente da entidade, “os ratios de calidade en Galicia son bos”, pero todo é mellorable. Nese sentido, buscarase aproveitar os caudais ecolóxicos. En canto as entidades que participa agora Gas Natural, Sogama non foi un rema que trataran na reunión de onte, pero Feijóo sinalou que “nunca se presentou esta cuestión como algo problemático”.

3- firma Unión Fenosa seguirá existindo, tal e como adiantou Xornal. Polo menos, seguirá sendo así de momento. Preguntado polo xornalistas trala reunión , Salvador Gabarró Asegurou que “de momento, Unión Fenosa seguirá existindo”. Inmediatamente despois de asegurar isto, Gabarró quixo matizar afirmando que “de todos xeitos, nada é eterno nesta vida”. A intención dende a máxima dirección da entidade é que se manteña polo momento a marca e o logotipo de Unión Fenosa, moi arraigado na sociedade galega.