Chipiona, a primeira experiencia que se prevé en todo o estado

Vantaxes e emprego. Segundo moitos grupos ecoloxistas, como Greenpeace, o impacto visual, ambiental e acústico dos parques eólicos mariños é moi inferior aos que se instalan en terra, ademais de que a enerxía que se produce evitaría a emisión á atmósfera de toneladas de CO2. Deste xeito, reduciríanse tamén os efectos do cambio climático e a conseguinte acidificación dos océanos. O primeiro proxecto con visos de chegar a converterse en realidade é o de Chipiona, onde concello e ecoloxistas coinciden na aposta polo ‘offshore’. O obxectivo, que este parque de Las Cruces del Mar substitúa á central nuclear de Garoña cando esta peche no ano 2013. Para daquela, o obxectivo é que esta instalación, a máis de 8 quilómetros da costa e cunha potencia de 1.000 Mw, estea xa lista. Segundo os cálculos dos defensores do parque eólicos situado fronte acosta gaditana, o proxecto crearía 800 postos de traballo durante os dous anos de construción e polo menos 300 para o seu posterior mantemento. O emprego e o final dos combustiles fósiles serven tamén como razóns de peso.