Feijóo “no sabía” que Crespo era vocal de su consellería en Portos

Como cidadá e como votante estou asombrada e indignada pola declaracións de certos membros relevantes do PP en relación coa trama Gürtel. O sr. Rajoy en primeiro lugar acusou ao goberno, á policía e incluso á fiscalía de persecución ao PP. Defendeu o indefendible: que un político acepte agasallos de empresarios a cambio de certas adxudicacións.Considera ético que un encausado presuma publicamente da súa amizade cun xuíz que o vai xulgar ou que minta publicamente dicindo que mercou el os traxes? Ao levantarse en parte o segredo do sumario mudou o seu discurso. Pasou entón a dicir que aos cidadáns iso non nos interesa nin nos preocupa.Aconsellou aos seus mostrar indiferencia ante esta trama. Realmente cre que non nos preocupa ver como algúns políticos utilizan o seu cargo para obter beneficios propios a costa dos cartos de todos? Pensa que pode desviar a nosa atención criticando a política de Zapatero? Parecíalle lóxico que o PP “pasase” das acusacións?Agora afirma que é unha trama de corrupción de certas persoas para aproveitarse do PP. Quere dar a imaxe de inocencia dos membros do seu partido, imaxe de víctimas.E os 18 cargos do PP que recibiron 6 millóns de euros? Camps, Costa, Bárcenas...non estaban ou están no PP? Resulta curioso que dende fai varios meses as súas roldas de prensa consistan simplemente en facer a súa declaración sen permitir que os xornalistas lle fagan preguntas. Se ten tan claro a inocencia do PP, por que se nega a contestalas? Que medo ten de xuntarse con periodistas? Será medo á verdade? Esta actitude recórdame as declaracións que facía na tele cando se afundiu o Prestige e el falábanos de “hilillos de plastilina” mentres os galegos viamos o que se nos viña encima.Ou cando o goberno de Aznar quería convencernos da autoría de ETA nos atentados de Madrid mentres a policía demostraba a verdadeira autoría. Que dicir do sr. Feijoo? Pensa que alguén pode crerlle que como Conselleiro de Política Territorial descoñecía que un dos catro vocais da súa consellería en Portos era o sr. Crespo? Como conselleiro non consideraba o seu deber saber que persoas representaban a súa consellería ? Como pode afirmar que “ni siquiera aparecía por ahí” se non sabía que tiña ese cargo? Acaso Pablo Crespo non cobraba nada como vocal en Portos? Se cobraba, quen controlaba que cumprira as súas obrigas? É indignante que nos traten así, como ignorantes. Que desprecen o noso sentido común e a nosa intelixencia e que nos queiran enganar unha vez máis. Seguramente eles non cometeron delicto pero como presidente nacional un e como presidente galego do PP o outro teñen que asumir a súa responsabilidade , render contas á cidadanía e dimitir do seu cargo.Que confianza se pode depositar nun partido que defendeu aos corruptos e que culpa aos demais dos seus erros?