A presenza de artistas galegos é "irrenunciable" para Roberto Varela

O conselleiro de Cultura aseguraba onte no seu discurso que a presenza de músicos galegos na programación do Ano Santo 2010 ía ser “irrenunciable”. Ademais de salientar que ían ter un “papel destacado” no Festival Sónar paralelo que se celebre na Coruña, haberá unha serie de propostas denominada Xacobeo Raíces. Isto inclúe unha xira na que estarán os grupos Berrogüeto, Luar na Lubre, Susana Seivane, Cristina Pato, Bonovo, Fuxan os Ventos –que vén de sacar disco– e Leilía. Ademais, editarase o disco Cantigas do Camiño, que recompilará pezas interpetadas por “prestixiosas bandas de folk galego” co que se “contribuírá á súa promoción nacional e internacional”. O programa tamén recolle un apartado de “apoio ao cine” do país, polo que o Xacobeo creará unha liña específica de axudas aos festivais galegos , curtametraxes e animación. Ademais, dentro das actuacións dirixidas ao público infantil, haberá convenios coa Televisión de Galicia para crear un programa sobre o Xubileo dirixido aos nenos e tamén haberá produtos audiovisuais para os cativos.