A herdanza difícil de Castelao

A irmá do escritor, Teresa Castelao, que faleceu o 23 de marzo de 2000, deixou como herdeiro a Xavier Baltar, fillo de Anxo Baltar, que protexeu a familia durante o réxime franquista. A Fundación Castelao, á que pertencía Baltar, levaba uns anos catalogando o material que custodiaba Teresa e confiaba en que o fogar dos Rodríguez Castelao acabase convertido na sede do padroado e así llo expuxo ao lexítimo propietario. Pero Xavier Baltar comezou a contestar con evasivas aos requirimentos de Avelino Pousa Antelo, presidente da fundación, e de Alfonso Paz-Andrade, vicepresidente, para que lle puxese prezo á casa. Na actualidade, o propietario négase a abrir a casa ao público.