Coruña Liberal di que non lle deixan apoiar o termo castelán

A asociación Coruña Liberal denunciou onte que “a empresa que ten o monopolio da publicidade nos autobuses urbanos da Coruña” lles impediu contratar unha campaña publicitaria en apoio á cooficialidade do topónimo da castelán. Nun comunicado, asegura que esta campaña publicitaria co lema “La Coruña, con ‘L’ de Libertad” pretendía “restituír o nome histórico da cidade, sen prexuízo da cooficialidade do seu nome actual”. Ao respecto, asegura que a súa intención con esta iniciativa “non é volver cambiar un nome por outro como fixeron os normalizadores compulsivos”, engade. Coruña Liberal sostén que a empresa Impacto Mercadotecnia negouse a contratar a campaña argumentando “que a empresa ten por norma non traballar o xénero político ata as eleccións”.