Rafael Cuiña: "É necesaria unha sociedade civil con participación de todas as tendencias políticas"
>> A estrea do espazo Conecta con..., no que os internautas póñense no papel de entrevistadores, foi da man do empresario Rafael Cuiña, un símbolo da loita pola protección da lingua galega.
>> Neste chat respondeu a preguntas como a seguinte: "De ser catalán, estaría no PP ou en CiU?".
>> Acceda ao contido íntegro da conversa en Conecta con... Rafael Cuiña.
11 voto/s
Rafael Cuiña é militante do PP, pero ten posturas críticas respecto a algúns sectores da súa propia formación no tema da lingua. O seu compromiso fíxose patente coa súa participación nas dúas multitudinarias marchas a prol do galego que tiveron lugar este ano, así como na súa activa pertenza á asociación Prolingua. De feito nesta conversa on line, cos lectores de Xornal.com, amosouse triste pola "marxinalidade" do galeguismo no PP actual. Rafael Cuiña augúralle un "mal futuro político" a quen desprece a lingua galega "o que o pretenda non coñece á sociedade galega", dixo.
Segundo explicou na conversa mantida en Conecta con... cos internautas de Xornal.com, o empresario está certo de que é posible defender o galego estando no Partido Popular de Feijóo: "Estouno a facer", dixo con rotundidade. Cuiña sostén ademais que "o respecto da dirección do PPdeG polo meu posicionamento é absoluto".
O empresario deixou claro que non ten pensado "entrar na política de corte institucional" e consultado pola súa definición ideolóxica admite que é "nacionalista, mais non independentista, digamos que estou máis achegado a Risco que a Bóveda". Diante da pregunta: "Onde militaría se fose catalán ¿no PP o en CiU?". Admitiu que: "En CIU, non podo ser máis claro, outra cousa é se preguntase por un PPdeG galeguista sen ambigüidades".
Consultado por se é posible artellar unha sociedade civil galega con participación de xente de todas as tendencias políticas? Rafael Cuiña dixo: "É desexable, posible e necesario".
UN "REGALEGUIZADO" QUE VE O FUTURO DA LINGUA "PREOCUPANTE".
No relato da súa historia lingüística, Rafael Cuiña, considérase "regaleguizado. Falei castelán e agora falo galego e castelán según o momento. Do que si estou orgulloso é de estar nunha terra con idioma propio". Considera que o futuro do galego é, arestora,"certamente preocupante".
O empresario da comarca do Deza asegura que no rural "a lingua está máis que dignificada. É precisamente nese medio onde a xente pensa menos en estupideces sobre imposicións non existentes".
Disfruta de la libertad de expresión.
Se aconseja un máximo de 15 líneas, que podrán ser extractadas por nuestra Redacción.
Los autores deben hacer constar: nombre y apellidos, y e-mail.
Aquellos textos que no se ajusten a estos criterios podrán ser retirados de la web.
