A segunda ampliación do peirao do Areal de Vigo é “ilegal”, segundo o edil de Urbanismo

O edil de Urbanismo de Vigo, José Mariño, denunciou onte que a segunda fase da ampliación do Peirao do Areal do Porto da cidade é “ilegal”. Asimesmo, o BNG reclamou ao Ministerio de Medio Ambiente, Medio Rural e Mariño (MARM) que se pronuncie sobre a actuación e o impacto que ésta vai supor.

Mariño acusou á presidenta do Porto, Corina Porro, de presentar uns proxectos para o Areal que son “ilegalidade tras ilegalidade”. Neste senso, destacou que un estudo dos técnicos municipais conclúe que a actuación é irregular. O concelleiro resaltou que o Plan Especial do Porto fixa unha delimitación do cantil do novo peirao, pero que o proxecto de Porro rebasa o límite en 70 metros.

Pola súa banda, o tenente de alcalde, o nacionalista Santiago Domínguez, e a diputada Olaia Fernández, presentaron no Congreso unha iniciativa para que o MARM valoree esta segunda parte.

Mentres, a Autoridade Portuaria de Vigo anunciou onte que rehabilitará o peirao de comercio para uso turístico, especialmente pensado para cruceiristas e como espazo de integración entre porto e cidade. A obra custará 4,5 millóns de euros e durará sobre un ano e medio.

A rehabilitación foi presentada pola presidenta da Autoridade Portuaria de Vigo, Corina Porro, quen considera que esta é unha das actuacións “emblemáticas” para rehabilitar un espazo de encontro entre a urbe e o mar.

Explicou que non se pode realizar en calquera lugar, senón nos emprazamentos que non supoñen unha interferencia na actividade portuaria e que quedaron “obsoletos” para a carga e descarga ao non ter calado ou capacidade suficiente.