Varela non ve "rexeitamento" ao decreto do galego, só "críticas"

O sr. Varela,Conselleiro de Cultura e Turismo, considera que o novo decreto do galego non está a provocar “rexeitamento social” senón “a existencia lóxica de bases críticas”. Supoño que este conselleiro non descoñece o rexeitamento de Queremos Galego,plataforma formada por entidades de todos os ámbitos (asociacións culturais e veciñais, grupos de teatro ou musicais, centros de ensino, equipas de normalización lingüística,distintas empresas…) e á que se adheriron a nivel particular persoas de todas as idades,profesións e opinións políticas.E supoño que tampouco esqueceu os milleiros de persoas que se manifestaron en Compostela. Polo tanto,afirmar que non hai rexeitamento social é,simplemente,faltar á verdade. Gustaríame que nos explicara por que o considera tan bo e extraordinario, xa que o suposto equilibrio que lle vai dar ás dúas linguas oficiais xa existía co anterior decreto.A realidade é que os nenos aprenden o castelán fóra da escola: na rúa, nos canais de tv,…Fóra dela teñen menos oportunidades de aprender galego, especialmente os nenos das cidades. En consecuencia, un decreto que perseguira unha aprendizaxe equilibrado das dúas linguas tería que dedicar máis horas ao ensino do galego. En canto á opinión de converter o inglés nun idioma para transmitir contidos penso que non ten en conta as dificultades que iso conleva para os alumnos. Imaxinemos,por exemplo, a nenos de 1º (con 6 anos) dando en inglés a clase de música, materia que ten un vocabulario específico . Creo que é importante que os nenos aprendan linguas estranxeiras,pero hai mellores xeitos de facelo que tendo educación física,artística ou relixión neses idiomas. Esa aprendizaxe en ningún caso debería ser a costa de restrinxir a aprendizaxe da lingua propia de Galicia. Temo,ademais,que o que vai suceder é que o goberno galego non vai poñer á disposición dos centros públicos os recursos humanos e económicos necesarios para ese ensino do inglés que pretende. Algo que a maioría dos centros privados si farán.¡Teñen boas subvencións da Xunta ! Os alumnos destes centros aprenderán máis inglés e menos galego. As diferencias entre centros públicos e privados aumentarán. Este novo decreto é,simplemente, unha desfeita que creará moitos problemas nos colexios e entre as familias, perxudicará a moitos nenos e restrinxirá notablemente o ensino da lingua galega. En vez de “un decreto que poida servir ao futuro” é un decreto que vai servir aos intereses particulares e partidistas de algúns.

Sr. Presidente: Está vostede a piques de impoñer un novo decreto do galego no ensino. Un decreto no que equipara as dúas linguas oficiais de Galicia a unha lingua estranxeira que, recoñecendo a súa importancia,non é propia do noso pais. Esta equiparación é un menosprezo ao galego,lingua que como máximo responsable do goberno autónomo ten a obriga de coidar e potenciar. Presume de que,por primeira vez, os pais cubriron unha enquisa para expresar as súas preferencias idiomáticas no ensino antes de redactar o novo decreto. Sen embargo non consultou aos mestres e profesores que somos os que mellor coñecemos as dificultades e problemas dos alumnos. Certo é que de facer esta consulta non tería base para seguir repetindo a mentira da “imposición” do galego nas aulas. A pesares de afirmar que co novo decreto os nenos galegos van rematar os estudios con competencia nas tres linguas, en ningún momento explicou como pensa facer para dotar aos centros de profesionais suficientemente preparados nin cantos cartos vai destinar. Na súa opinión “se hai desaxustes será probablemente por problemas pedagóxicos,non do decreto”.Pois ben, para que un centro poida ofertar Música ou Educación Física en inglés,por exemplo, ten que contar con especialista nas citadas materias e con amplos coñecementos nesa lingua estranxeira. Iso depende da Consellería de Educación,non do equipo directivo do colexio nin do profesorado. Sr. Feijoo, sexa realista e sincero coa cidadanía, non nos queira enganar coas “marabillas” dun decreto que supón un retroceso para o galego . Explíquenos claramente por que ten esa teima coa nosa lingua, por que fixo a famosa enquisa aos pais e non nos consultou sobre a supresión da gratuidade dos libros de texto do bipartito ou sobre a subvención millonaria aos colexios privados. Como Presidente da Xunta de Galicia asumiu vostede a responsabilidade de defender a nosa terra, a nosa cultura e a nosa lingua e adquiriu o compromiso coa verdade tal como manifestou na toma de posesión dos seus conselleiros. Nin está a cumprir a súa responsabilidade nin respecta ese compromiso.

Pois eu estou vendo practicamente tantas críticas como rexeitamentos, o cal é razoábel porque calquera critica seria do decreto, por moi moderada que sexa, leva inevitabelmente ao seu rexeitamento radical.

Xa houbo moitas institucións e xente que se manifestaron en contra do decreto. Mais ainda falta a RAG que se reunirá próximamente, o consello da cultura galega. Ten vostede unha folga xeral do ensino o 21 de Xaneiro para calibrar o que lle gusta o decreto á xente. Delle tempo ó tempo, é que nos sacaron isto o 30 de Decembro, e estamos de vacacións. Mais recoñeza alomenos, que o anterior decreto non provocou unha folga xeral do ensino, e este polo momento xa a provocou. Porqué será? Un saúdo dun coruñés que quere galego para seu fillo e non é un radical, nen terrorista, nen inculto , nen nada deses prexuizos que teñen vostedes, os que nos desgobernan.

cada un ao seu. Os médicos a curar. Os arquitectos a facer urbanismo. Os educadores a educar. Na miña opinión non valemos para todo, e tampouco temos un espiritu renacentista. Así que cada un ao seu. E si na Consellería non teñen expertos, deberían comezar a buscalos. Aos pais abondannos os problemas. Non precisamos enfrentarnos entre nos na escola, sen ser experta en educación, penso que podería ser bastante nocivo para os meus fillos, tanto no aspecto estrictamente educativo coma na formación de seres sociais.

Vostedes aprenderon un discurso e "erre que erre" coma bestas, a repetilo. Que libres somos, laralarala....! "Libre como el viento, yo soy libre!.... voulles poñer como himno a canción de Nino Bravo. Resultan ridículos (iso sí están a seguir ao pé da letra as consignas dos neocons norteamericanos, chegadas aquí vía Aznar).

Suso se ti lle chamas maioría a un grupo reducido de cosmopaletos que pensa que os que falamos galegos somos "inferiores" pois entón acertamos barco como animal acuático e seguimos xogando... Pero sendo serios o que afirmas non se sostén nin cun milleiro de pinzas. E por certo cara onde queres avanzar??? Douche ideas, se tal que prohiban o galego e aos que o falen que os fusilen ¿vou ben encamiñado?

Home, non, non se pode rexeitar o que aínda non é. Só hai unhas bases, que todo o mundo entende que son inaplicables e supoñen un recorte da actiovidade docente da lingua galega e un ataque frontal con ela (agás os G.B. -tamén Gran Bretaña-, que dí que é timido, non chega a suprimir o galego). O Sr. Conselleiro non escoitou nin le máis que o que lle poeñn os do seu gabinete, e xa se sabe, nada de críticas, todo ben, e así ata o final do conto, Vergoña dos galegos¡

Teñen sempre a ditosa "palabriña" na boca e todas as súas mensaxes son idénticas. Son moi sinxelas de distinguir. Se xa a tiñades!!! A vós sempre vos deu igual o galego porque vindes facendo a vosa vida en castelán sen problema ningún. E agora que? Hai que seguir para chegar a onde? Seica aos gallegos lle estorban os galegos?