Ramón Villares: “Se Feijóo segue ao CCG, ao galego iralle mellor”

Estimado compañeiro "varela singular", sinto contestar aquí, pero Xornal xa quitou o fío onde ti comentaba. Fantástico que esa fose a túa percepción da manifestación do 21 dende unha óptica que ti manifestas "non nacionalista". Mira, eu a nivel, persoal, sentinme absolutamente cómodo, porque alí había moitos amigos e amigas persoais, ademais dos milleiros de compañeiros e compañeiras no amor á lingua e á dignidade, tanto persoal, como colectiva. Obviamente, eu non pretendía dar unha visión "dende a posesión da verdade". Faltaría máis. Simplemente é algo que veño observando constantemente o uso, brutal unha veces (aiii, ese "Yo Protesto" de The Tower-Coz. A portada de La Razón, coa bandeira queimada (Alguén víu cos seus ollos tal cousa no Obradoiro?)), e sibilina moitas outras dos estereotipos fabricados para facerlle á "xente" (como din eles) chegar mensaxes simples, pero tremendamente destrutivas. Benquerido varela, se sabemos por onde nos van atacar, pero por que coño lles damos munición para que nos ametrallen? É que eu véxoo así de simple. Hai que convater intelixentemente os estereotipos nos que nos encasiñan doadamente. Eu recoñezo nos meus compatriotas a capacidade para discernir, pero ti tamén sabes que hoxe en día estamos bombardeados por miles de mensaxes ("novas-noticias") que, por mágoa, moitas veces a poboación asome como "verdades" (Oíches, dixeron nas noticias que... Oíches, dixeron na radio que...) e, obviamente, non lle imos pedir a cada cidadán que contraste esas informacións que recibe e, a día de hoxe, o que "pon a prensa" ou o que "di a TV (un telexornal, por ex.)" vai a misa. A ver se agora imos ser tan inocentes que nolas meten por todos lados e non a vemos nin vir (véxase a campaña da Voz e demais media "amigos"). Por algo se matan por repartir subvencións para que lles fagan a propaganda (A Voz, perdón pola insistencia, xa leva pillados case 4 millóns de euros, e os que lle quedan por Pillar: Lomana Cash - Latorre Cash, clink, clink). Faltaría máis que o nacionalismo non estivese na manifestación. Sería de tolos. Pois claro que ten que estar, aínda máis, é obrigado que estea en cumprimento dos seus principios. Agora ben, eu non falo do fondo, no que creo que todos estamos de acordo, senón da forma (chámalle "marketing" se queres). Estamos nunha sociedade da información e da imaxe. Non se trata de entrar nun mundo de "arrugas bellas" (outro que se despachou de carallo) e desideoloxizado, senón de xogar coas mesmas estratexias coas que intentan noquearte. Acaso non ve agora todo o mundo o erro do bipartito de calaren a boca no canto de contestarlle expeditivamente as trolas do PP dos audis, dos eólicos para os amigos... Mira ao que chegou esa falacia chea de fel da “imposición do galego”. Contábame o outro día unha amiga profe que cada vez chegan máis alumnos ao colexio aleccionados dende a casa dicindo: “A mí tú me hablas como yo te diga, que me dijo mi padre que tienes que hacerlo”. Tamén podemos mirar pra outro lado e non querer ver o que pasa, pero eu case que non. Outra cousa, aos compañeiros do STEG coñézoos e son sinceros. De CCOO habería que falar en privée, porque eu sei ben como manobraron e sumáronse daquela maneira (eu tiven algunha conversa con algún representante sobre o tema da lingua que metía medo), non sexamos inocentes, que nola meten dobrada. Do PSOE, si, como no Prestige, na esquina, detrás da parede, a ver que pasa: “ahora saco la patita, ahora la retiro. Ahora me uno, ahora pacto”. Tamén deberías coñecer o malestar que había en CCOO, UXT, PSOE por deixarlos na cola da manifa. A iso me refería eu: “sumanos pluralmente, pero daquela maneira, non sabes, que na manada cada un sabe onde ten que ir, e vós ides ao final e todos contentos, que isto montámolo nós”. Despois queixámonos de que non participen militantes e simpatizantes do PSOE e do PP? Pois xa me contarás. Debemos ser máis intelixentes nas estratexias. Debemos fiar moi fino quen fala ao final da manifa no estrado (ejem), eu entendo a pluralidade doutro xeito. Debemos ser máis intelixentes, conciliadores e integradores nas divisas (“slogans”) que escollamos. Falo de conciliadores e integradores cos simpatizantes e militantes do PP (non confundamos aos dirixentes ultras antigalegos do “pink foulard” cos milleiros de militantes e simpatizantes. Lembro que é nos votantes do PP onde se dá, proporcionalmente no abano de forzas políticas, o maior número de galegofalantes) e tamén do PSOE, EU, TEGA. Os que están/estamos ao pé do canón nesta defensa da nosa lingua, os que suamos a camiseta e traballamos día a día en todos lados por ela, podemos caer na tentación de cegarnos e querer patrimonializar esa loita, e, ollo, estariamos no noso pleno dereito, pero sería/é un erro de estratexia brutal que non nos fai permeables a eses sectores que acabo de indicar. Non me vale iso de que, e rebélome (afectuosamente ;-)) contra: “é probable no caso dos xa convencidos previamente, cos que, se faga o que se faga, tanto vai ter”. Non, non e non. De verdade. É preciso vencer convencendo co peso da verdade, cos argumentos lúcidos, manifestados tranquilamente, co intercambio de impresións sosegadas ante o máis cerril dos interlocutores. Se me permitides, pra rematar, parafrasear as verbas que Miguel de Unamuno lle dixo ao inhumano Millán Astray no paraninfo da Universidade de Salamanca, e que eu lles digo aos que queren aniquilar a nosa lingua: “Para convencer hay que persuadir, y para persuadir necesitaréis algo que os falta: razón y derecho en la lucha. Me parece inútil el pediros que penséis en Galicia. He dicho." VIVA A INTELIXENCIA!