Detido un veciño de Verín por tentar agredir a axentes da Garda Civil

A Garda Civil da localidade ourensana de Verín detivo a un cidadán portugués veciño da localidade por tentar golpear a unha parella de axentes cando trataban de evitar que agredise unha coñecida súa, á que o arrestado estaba insultando.

Segundo informou hoxe o Instituto Armado, ás 9.30 horas de onte detido o cidadán portugués R.R.C., de 37 anos, como presunto autor dun delito de atentado contra axentes da autoridade en grao de tentativa.

Roubo no Barco

Por outra banda, a Garda Civil do concello ourensano do Barco de Valdeorras detivo ás 10.15 horas de onte a I.C.T., de 27 anos e veciña da Rúa, como presunta autora dun delito de roubo con forza acontecido o día 16 de febreiro de 2009 nun domicilio de Larouco, onde, tras forzar unha ventá da vivenda, accedeu ao interior e se apoderou dun ordenador, xoias e 600 euros en efectivo.

As mesmas fontes indicaron que nos tres últimos meses foi detida pola Guardia Civil noutras tres ocasións como presunta autora de delitos de furto.

Sustración de ferramentas

Ademais, axentes do cuartel de Verín detiveron ás 11.00 horas de onte día 8 a R.P.S., de 30 anos de idade e veciño da localidade, como presunto autor dun delito de roubo con forza nas cousas acontecido o día 2 de febreiro nunha nave industrial do Polígono de Pazos.

O arrestado apoderouse na nave industrial de ferramentas por valor de 5.000 euros. As dilixencias instruídas foron remitidas ao Xulgado de Instrución Número 2 de Verín.