O goberno de España vai gastar miles de millóns en comprar cota de emisión de CO2 e así cumprir mal que ben coas prescripcións de Kioto. A industria e tamén as formas sociais de vivenda e consumo non superan eses mínimos. Protexer o planeta non é só cambiar a forma de producir, senón tamén de vivir.

Hai algo de inmoral en asinar uns convenios de non contaminación e logo comparrlles cota a outros países. É algo asi como traficar cos puntos do carnet de conducir.

Os beneficiarios dese mercado da contaminación son os antigos países do “telón de aceiro” (qué quedou desa expresión xeopolítica?) por teren industrias inhabilitadas por ineficientes.

O peor non é que se permita o trapicheo, senón que se esas fábricas xa estaban inactivas (polo tanto xa non emitían CO2), temos que concluír que nin o compromiso de Kioto está ben planificado e calculado.