Fálase de renovación no nacionalismo galego. Os desa-fíos non son só organizativos. É unha cuestión de ideas e de comunicación coa sociedade. O que está en cuestión non é se o BNG é máis asembleario ou menos, en todo caso, terá que ser unha organización tan respectuosa coa democracia interna como eficazmente executiva. Pero volvamos ás ideas. Estes días está en primeira liña a defensa da lingua. Cómpre un novo discurso a prol da normalización do galego: que teña en conta que xa non se vai verificar unha Galicia monolingüe en galego e que debemos reclamar discriminación positiva para que o bilingüismo sexa real e Galicia un país de políglotas. Debe ser unha reivindicación de toda a cidadanía a favor da diversidade e da ecoloxía lingüísticas.

A cultura. Letras Galegas: Novoneyra ou Carvalho? Son os dous figuras prominentes e meritorias pero seguro que a xuventude identifica mellor a lingua na música, o teatro, o audiovisual e a nova literatura. Cultura vinculada ao lecer. Lingua e cultura son elementos esenciais da autoestima.